Lønns- og personalsystem for universitet og høgskular
Dei fleste norske universitet og høgskular brukar SAP-løysinga frå DFØ (Direktoratet for forvaltning og økonomistyring) til registrering og utbetaling av lønn, utlegg og reiserefusjonar.
Løysinga gir organisasjonen oversikt over sine lønns- og personaldata.
Sikt følgjer opp avtalen mellom DFØ og institusjonane. Vi hjelper institusjonen med avtaleforståing, oppfølging av leverandøren, og med prosjektleiing ved behov for endringar.
Løysinga gir institusjonen oversikt over sine lønns- og personaldata. Systemet gir støtte til lønnskøyring, registrering og utrekning av arbeidstid, ferieregistrering, sjukefråvær og rapportering. Systemet gir også delvis støtte til personaladministrasjon og oppfølging av organisasjonsstruktur.
Tenesta er i stor grad basert på sjølvbetening, ved at dei tilsette sjølv legg inn data. DFØ har utvikla en sjølvbetjeningsapp kor du kan gjera det same som i ein nettlesar.
Målgruppe
Tenesta er utvikla for bruk i universitet og høgskular. Dei viktigaste brukargruppene er tilsette ved lønns og HR, personalleiarar, økonomisjefar og tilsette med leiarstøttefunksjon.
Sikt forvaltar avtalen og hjelper institusjonen
Sikt hjelper institusjonen med avtaleforståing, oppfølging av leverandøren (DFØ) og prosjektleiing ved behov for endringar. Sikt forvaltar avtalen med DFØ og sideavtalar som høyrer til denne, på vegner av sektoren. Vi hjelper og til med overordna revisjon av avtalen. I tillegg hjelper Sikt med å arrangere brukarforum, og vi held i dialogen med DFØ, sektoren og Kunnskapsdepartementet.
Institusjonane som er med i avtalen er sjølv ansvarleg for administrasjon av eigne einingar, og å styre tilgangen til systemet.
Tenesta er tilpassa det overordna kravet sektoren har til IT-arkitektur og IT-tryggleik, og er integrert med følgjande tenester:
Opplæring skjer i stor grad via DFØ. Dei har òg noko brukaropplæring tilgjengeleg via nettsidene.ene.
Produkt- og tenestevilkår
Under er dei spesifikke produkt- og tenestevilkåra lista. Elles gjeld Sikts generelle avtalevilkår.
Skildring av produktet
SAP HR fra DFØ er eit saksbehandlingssystem for lønns- og personaladministrasjon, med støtte til mellom anna lønnskjøring, tidsregistrering, rapportering og stillingar.
Kunden kan velje mellom tre nivå av systemet:
- Basis - berre systemleveranse frå DFØ, arbeidsprosessane blir utførte av verksemda lokalt
- Delservice - nokre av arbeidsprosessane blir gjorde av DFØ
- Fullservice - mesteparten av arbeidsprosessane blir gjord av DFØ
Sikt forvaltar avtalen med DFØ, og tilhøyrande sideavtalar til denne, på vegner av sektoren og hjelper ved overordna revisjon av avtalen. Sikt hjelper verksemdene med avtaleforståing, leverandøroppfølging og prosjektleiing ved behov for endringar.
Føresetnader
Statlege universitet og høgskular kan ta i bruk tenesta. Tenesta krev Feide-pålogging.
Servicenivå
Opplæring, brukarstøtte og dokumentasjon på systemet blir gjort av DFØ.
- Brukarettleiingar, kurs og driftsstatus er tilgjengeleg på dfo.no.
- DFØ sine standardvilkår og databehandlaravtale finst på dfo.no.
Sikt handterer førespurnader knytt til den felles avtalen sektoren har med DFØ, og dessutan behov for koordinerte endringsønske frå sektoren.
Førespurnader til Sikt blir handtert på Servicenivå 2.
Vederlag, kostnader, økonomi
Alle løpande kostnader for bruk av SAP HR og leveransar av andre tenester blir fakturerte kvar enkelt verksemd direkte av Direktoratet for økonomistyring (DFØ). Prisen er spesifisert i tenesteavtalen for verksemdene med DFØ. Behandling av endringsønske som blir prioriterte av DFØ på vegner av alle kundar inngår som del av dei løpande kostnadene.
Endringar som blir ønskte og prioriterte av universitets- og høgskulesektoren separat, blir bestilt formelt av Kunnskapsdepartementet etter førebuing frå Sikt, og etter behandling i arbeidsutval og produktråd. Fakturering av realiserte endringsønske skjer mot ei belastningsfullmakt som DFØ får hos Kunnskapsdepartementet.
I tillegg fakturerer Sikt verksemdene for ei tenesteavgift. Den dekkjer kostnader til koordinering av samarbeidet, anna vidareutvikling knytt til bruk av systemet og timekostnader for tilsette i Sikt, som utfører arbeid tilknytt tenesta. Tenesteavgifta kan variere noko frå år til år og fordelast etter storleik på verksemda (stor, medium og lita verksemd).
Organisering og styring
Leveransen av SAP HR til verksemdene i UH-sektoren blir gjort av Direktoratet for økonomistyring (DFØ), og er regulert av eit sett av avtalar:
- Gjensidig forpliktingsavtale mellom Kunnskapsdepartementet og DFØ (overordna avtale)
- Tenesteavtale mellom kvar enkelt verksemd og DFØ
- Driftsavtale mellom kvar enkelt verksemd og DFØ
Sikt har eit koordinerande ansvar på vegner av verksemdene i UH-sektoren.
Tenesta høyrer inn under Porteføljestyret for utdanning og administrasjon.
Relaterte produkt og tenester
Kontakt
Lurer du på noko, eller vil du vite meir om våre produkt og tenester?
