Samfunnsoppdrag og rolle

Kvar einaste dag er elevar, studentar, lærarar og forskarar avhengige av digitale tenester og infrastruktur for å lære, forske og formidle.

For dei er robuste og pålitelege løysingar ein føresetnad for å få jobben gjort. Å sikre ein trygg og stabil digital kvardag for brukarane av tenestene våre, er Sikts aller viktigaste oppgåve.

Enten vi utviklar løysingane sjølv eller skaffar dei i ein internasjonal marknad, sørgjer vi for at løysingane dekkjer dei unike behova til sektoren. Gjennom datadeling og integrasjonar knyter vi løysingane saman til ein samanhengande digital infrastruktur.

Sikt sine roller

Kjernerolla til Sikt er å levere fellestenester. I forlenginga av leverandørrolla har vi tre særskilte roller som tilretteleggar, kor alle inneber å vere ein aktiv pådrivar.

I desse rollene skal vi ikkje berre levere tenester og gi råd, vi skal også skape bevegelse og utvikling i sektoren. Nedanfor skildrar vi dei ulike rollene meir utfyllande.

Utover dei konkrete rollene, kan vi gi råd, greie ut og koordinere for departementet, direktorata og institusjonane i sektoren innanfor heile ansvarsområdet vårt. Dette tilsvarer fagrolla til eit direktorat, men utan myndigheitsfunksjonar.

Kjernerolle: Leverandør av fellestenester

Kjernen i samfunnsoppdraget er å anskaffe, utvikle og drifte infrastruktur, digitale fellestenester og relaterte støttetenester.

Som nasjonal leverandør prioriterer Sikt grunnleggjande infrastruktur og tenester som dekker relativt like behov på tvers av mange verksemder.

Når gode løysingar finst i marknaden, forhandlar vi fram avtaler med eksterne leverandørar på vegner av verksemdene i sektoren. Hvis dei ikkje finst, utviklar vi løysingar sjølve, eller tilpasser innkjøpte løysingar til behova i sektoren.

Særskilt rolle: Legge til rette for eit sikkert og samanhengande økosystem

Som leverandør leverer vi mykje av den infrastrukturen og dei grunnleggande tenestene det er trong for i sektoren.

I tillegg er vi pådrivar for at sektoren har eit sikkert og samanhengande økosystem av digitale tenester, og vi informerer om relevante tenester frå andre leverandørar. Vi legg til rette for å gjere det enkelt å kople saman tenester som verksemdene utviklar eller anskaffer sjølve, med tenestene våre.

Vi samarbeider med andre nasjonale leverandørar av fellestenester, og vi er pådrivar for at løysingane dei tilbyr blir brukte i sektoren og godt integrerte med våre tenester.

Særskilt rolle: Leggje til rette for deling og gjenbruk av data

Kunnskapssektoren i Noreg har sterke tradisjoner for å dele data, men potensialet for bruk og gjenbruk er langt frå fullt utnytta.

Som leverandør leverer Sikt infrastruktur og tenester for lagring, deling, analyser, beregningar og visualiseringar av data. Vi forvaltar og leverer data som er tilrettelagte for vidare bruk. Vi leverer personverntenester for å gjere det enklare å bruke og dele personopplysninger på trygg og lovleg måte.

I tillegg er vi nasjonal koordinator og pådrivar for at verksemdene i sektoren deler og gjenbrukar data, og vi informerer om relevante datasamlingar, infrastruktur og tenester fra andre leverandørar.

Særskilt rolle: Leggje til rette for god informasjonssikkerhet og godt personvern i kunnskapssektoren

Digital sikkerheit er høgt prioritert i Sikt. Mange av tenestene vi leverer, er verksemdskritiske for institusjonane i sektoren og må fungere til kvar tid, samtidig som dataene må vere godt beskytta. Som leverandør sørger vi for god digital sikkerheit og beredskap i tenestene våre, og vi leverer også dedikerte sikkerheits- og personverntenester til sektoren.

Som forvaltar kritisk av infrastruktur, som Feide og Forskningsnettet, er Sikt ein del av den sivile beredskapen i totalforsvaret. At vi kan levere desse tenestene også under krise og krig, er avgjerande for å halde oppe viktige samfunnsfunksjonar som skule og barnehage.

I tillegg er vi felles responsmiljø (SRM) for kunnskapssektoren ved digitale sikkerheitshendingar, og pådrivar for å styrke bevisstheita og kompetansen om digital sikkerheit og beredskap.

Tildelingsbrev fra Kunnskapsdepartementet

Sikt – Kunnskapssektorens tjenesteleverandør rapporterer til Kunnskapsdepartementet.

Tildelingsbrevet er Kunnskapsdepartementets årlege styringsdokument. Eventuelle endringar eller ytterlegare tildelingar blir formidla gjennom supplerande tildelingsbrev i løpet av året.

Verksemds- og økonomiinstruksen for Sikt er også eit sentralt styrande dokument. Alle mål og krav Sikt er ansvarleg for, må bli planlagt og realisert innanfor dei angitte rammene. Omtalen i budsjettproposisjonane, og i vedtekne lover og forskrifter, er utgangspunktet for gjennomføringa av politikken, saman med prioriteringar, føringar og krav som blir gitt i dette brevet.

Tildelingsbrevet og eventuelle supplerande tildelingsbrev skal publiserast på nettsidene for verksemda så snart dei er mottatte, jf. Bestemmelser om økonomistyring i staten, pkt. 2.3.2.